Klase desberdintasunak

Pobreen eta aberatsen arteko aldea askoz handiagoa zen lehen. Hori diote adinekoek: gazteak zirenean, klase desberdintasunak handiagoak zirela. Heriotzaren orduan ere igartzen ei zen zein zen "etxe onekoa" eta zein ez.

Mailak: DBH, Batxilergoa

Ikasgaiak: Herritartasunerako Hezkuntza, Gizarte Zientziak, Geografia eta Historia

Gaiak: Ohiturak, Bizikidetza

0 puntu 5 izarreko maximotik
0 iritzi guztira
Lehen pobrezia oso zabalduta zegoen. Pobreak oso pobre bizi ziren eta aberatsak oso aberats. Baserritarrek eta arrantzaleek, esate baterako, nahiko lan izaten zuten familiak aurrera ateratzeko. Dirurik ez zuten izaten. Oinarri-oinarrizkoarekin bizi ziren.

Bideo honetan sasoi batean zeuden desberdintasunak ezagutuko ditugu. Eta gaur egungo bizimoduari begira jartzeko balioko digu. Ba al dago pobrerik gure inguruan? Igartzen al da zein den pobrea eta zein aberatsa? Ikasketak egitea guztion esku al dago? Ikasleek pobreziari buruzko datuak bilatu ditzakete (artikuluak, ikerketak...). Ongizatearen gizarteari buruz ere hausnartu daiteke. 

Utzi zure ekarpena